Shahnoza ijodidan
To'rtliklar  To'rtliklar* * * * *Surat dedim seni avvali, Yo`q, sezdirib qo`yding so`zingdan. Surat bo`lib qolibman o`zim, Sehrlovchi jodu ko`zingdan. * * * * * Yor, qarasam qaragudaysan, Oy desam oy, kunda kundaysan. Butun jahon husningga hayron, Sen parvosiz, nega bundaysan? * * * * * Seni ko`rdim, o`ynadi yurak, Hayajondan titroqda dilim. Ko`zim tushdi ko`zingga malak, So`z topolmay lol qoldi tilim. * * * * * Qalbimni so`rading, berdim ishonib, Buncha ko`z oldimda o`ynaysan uni? Ermakka qalbini sotganlar g`olib, Lek, men kabi dildan sevolmas seni. * * * * * Yoshlikda shijoat oshnosi bo`l, do`st, Qo`lingdan berma hech oltin vaqtingni. Yoshlik g`animatdir, sevib-sevil do`st G`animat damlardan so`ra baxtingni. * * * * * Oynaga o`yilgan go`zal naqshsimon, Ilk sevgi qalbingdan ko`chmaydi, do`stim. Umringning bezagi, ko`rki ishq ishon, Chirog`i o`chmasa o`chmaydi, do`stim. * * * * * Hamon qalbimdasan, ey barno yigit! Nechun unutmayman seni bir nafas? Shaxlo ko`zlaringu dilbar nigohing, Hatto tushlarimda meni tinch qo`ymas. * * * * * Muhabbat nur bo`lib qalbni yuvmasa, Ayt! Uni qardiga yetarmu kishi? Qo`y do`stim o`ksima, agar sevmasa, Ortiga qaytmasdan ketgani yaxshi! * * * * * Yor ketib, ortidan qarab qolibsan, Quralay ko`zingda qatra-qatra yosh. Qalbingga bemahal olov solibsan, Dilingni yoritmas hattoki quyosh… * * * * * Yig`lamagin aslo, yig`latsa seni, Qaramasa mayli, sevmasa mayli. O'ksinma va yana unutma shuni - Zamin dumaloq, qaytar u hali. * * * * * Ertalab shoshilib turaman yana, O`qishga negadir tortadi meni. Barmoqlarim titrar har damni sanab, Chunki bugun yana ko`raman seni! Do`stimning do`stigaDo`stim senga bitta maslahat, Sen uchundir balki bitta nasihat. So`zlarimni dildan qabul qil, Yaxshi ham yomon u narsa ekan TIL! Aytmoqchi bo'lganing avval o`ylagin, Biroz o`ylab, keyin so`ylagin. Yaqinlaringga bo`l o`zing quvvat. Beva-bechoraga ko`rsat muruvvat. Gaplarimga aslo xafa bo`lmagin, Do`stim sen tinglagin, faqat kulmagin. Ko`nglingda bor bo`lsin har doim iymon, Birovning dardiga har vaqt bo`1 darmon. Gerdayma hech qachon, o`zingni past tut, Ana shunda bo`lar sening baxting but! Baxtiyor chog`ingda mo`l bo`lar ulfat, Barchasin do`st deya o`ylama yana. Boshingga nogahon tushganda kulfat, Chinakam do`stlarni shundan so`ng sana! 16.12.94 Umr - yo`lUmr - yo`l deydilar, manzili yiroq, Bunda ham dard ham baxt bo`larkan, biroq. Turtinib-surtinib yetgan manziling - Qarichgina yer-u bir uyum tuproq. Sen uning chekiga yetgunga qadar, Yuzlab insonlar-la bo`lursan oshno. Kimlar uchun aziz, kim uchun esa, Bo`lur sening qadring misoli yaproq. Umr - bir yo`lsanki, manziling sarob, Shamoldek tog`larni kezib o`tarsan. Do`l bo`lib bog`larni esib o`tarsan, Ko`zimni yumsamu ochgunga qadar, Bir zumda, bir pasda tugab ketarsan. Xayollar, qalbimni qiynamang ortiq, Unga erkinlikdan aylangiz tortiq. Bilarman umr emas cheki yo`q osmon, Aniq, bu dunyoda barchamiz mehmon. 14.04.96 DILNOZAga(yakkayu yolg`iz opam Dilnozaga)Hoy, Dilnoza! Nega xafasan? Ko`zlaringda mo`ltiraydi yosh. Ko`zyosh to`kma, axir go`zalsan, Qalbingdadir u yorqin quyosh. Jon opajon, ishongin menga, Axir senga tilaganim baxt. Ko`zingdagi ma'yus sokinlik, Qilib qo`yar hammani karaxt. Sen uchun opajon, Beray jonimni, Beray bor-yog`imni, tashna qonimni. Faqat yig`lamagin, kuyadi bag`rim, Dunyoda baxtli bo`l, sen jon jigarim! 27.01.98 Ko`zlarim yo`ldaSokin shamol. Qorong`u tun. Qachon kelasan? Erta? Yo bugun? Deb siqilar mening yosh qalbim. Qayerdasan mening yo`qolgan baxtim! Tungi to`q rangli osmon- Sening qora sochlaring, derding. Nechun meni qoldirib hayron, G`oyib bo`ldi ruxsoring sening? Sokin shamol. Qorong`u tun. Seni yana kutarman, bilgin. Sen deb bo`zlar hamon yuragim, Qayerdasan yo`qolgan baxtim! 17.01.99 Ajdodlar ruhiMen shoir emasman, adib ham emas, Lek ko`nglimda ajib bir tug`yon yotar. Bu na sinoat, na g`oya emas, Bunda ajdodlarim qismati yotar. Vatanning ishqida kuygan menmasman, Jigarim chun yovni suygan menmasman, Balxda jon shirinin tuygan menmasman, Bunda ajdodlarim achchiq qismati. Ko` oldimda qafas. Ichida bulbul, Qarshisida turar Navoiy bobom. Va bir tilik qovun tutgan, titragan, Ko`zyoshin yashirmay Hazrati Bobur… Xonligu sovetlar davroni o`tdi, Endi yosh to`kmaydi o`zbegim also. Qodiriy bobomning aytgani bo`ldi: Bugun mustaqilman, ozodman, men-Hur! O`z erkim qo`limda, qalamim o`tkir. Lekin tariximni varaqlaganda, Siz ulug` ajdodni esga olganda, Qo`llarim titraydi, bag`rim sel bo`lar. Asta pichirlayman o`zimga-o`zim: Sizni unutmayman, hech qachon aslo. Doimo bo`lasiz qalbim to`rida. Tursam, yursam, Neki ishga qo`l ursam, Madad siz bo`lgaysiz, ruhim qo`riga!!! 21.06.99 Kutganmiding hech...
Meni hayotingda kutganmiding hech? Ikki tomchi yosh
Entikib kutganda, sabrim bitganda, Ilk muhabbat
Esingdami seni - biz tanishgan kun? Muhabbat - yechilmas tugunMeni unutishga tutinma bugun,Ko`ksimda qalbingning bor harorati. Muhabbat - bo`g`lansa yechilmas tugun, Uni yecholganning yo`q halovati. Meni unutishga urinma aslo, Bardoshing yetarmu ketgani kechib? Ko`zlaring ko`rmaydi ko`zlarim go`yo, Mensiz qolmasmikin qalbing ichikib? Meni unutib sen toparmisan Baxt? Men yolg`iz o`zingni Baxt deb bilardim. Sensiz umrim bo`lar abadiy karaxt, Sendan boshqa Baxtni ko`rmas nigohim Ko`zlarim ko`rmikan aslida meni? Sendan o`zgasiga tortmaydi dilim. Ko`zlaring ko`rmikan aslida seni? Seni sevaman, deb aytolmas tiling. Meni unutishni oson bilmagin, Ko`ksingda hali ham yonar tuyg`ular. Mendan ayri ketib xato qilmagin, Bir kun kech bo`lganda jisming uyg`onar. Meni unutishga tutinma boshqa, Labimda nafasing harorati bor. Sensiz yasholmasman, ko`zlarim yoshda, Orada sevgi bor, qolgani bekor... Qoya qidirgan soyaHasrat ichra quvonch qidirib,Esankirab yurar ko`chada soyam. Yuragin boshqaga sovg`a qildirib, So`qqayib qolibdi misoli qoya. Bugun ham otlandi ko`chaga yana, Bu gal ko`zlarini bermoqchi senga. Ma`yus jayron nigoh kutmoqda seni Sen esa go`yoki bilmaysan. Nega? Cho`qqisi bor qoya izlaydi soyam, Hadya etmoqchidir unga tabassum. Kerakmas demadi hattoki qoya, Senga kerakmasmi qora ko`zlarim?.. Soyamning hayoti aslida yo`qday, Seni izlash bilan kechar kunlari. Cho`qqisi bor qoya bilan quvonch-u Seni tushlarida ko`rar tunlari. Cho`qqisi olisda, qoya uzoqda, Seni osmon bilib bechora soyam, Nigohin tikadi tunlari ko`kka, Tabassum ulashar deya u qoya. Soyam chiqolmaydi ulkan cho`qqiga, Duv-duv yig`laydi u sendan qo`rqqanday. Senga jim cho`zadi ikki qo`lini, Ko`zlarin beradi hadya berganday. Sen-chi, nima berding g`arib soyamga? Alam, g`am, hasrat va yuzlab ajin… Sendan bo`lak bilmay yashadi soyam, Sen bergan azobni senga bermadi. O`tgan hayotiga bir boqib soyam, Ko`rdiki, qilibsan sen uni harob. Seni go`zallik deb aldagan g`oya Aslida begona, umidsiz qoya. Sen - cho`qqili qoya - abadiy sarob... |
