Bosh sahifa
Orqaga qaytish
Orifjon Turopov ijodidan
Tush ko'ribman  Tush ko'ribmanMen Tush ko’ribman Tong Otayotganmish, Nafis, mayin tiniqlik Borliqni ohista Uyg’otayotganmish. Bitishik turarmish yer bilan osmon Jildirab oqarmish ipakdek nurlar, Men esa Raqs tusharmishman, Atrofimda go’zal hurilar. Ko’kda dengiz shovullar emish, Zamin uzra yulduzlar to’zg’ib Tovlanarmish zumrad singari, Mayin titrar emish yuragim Har tekkanda mo’jaz saharning Serin lablari. Lekin nedandir, ne sababdandir Ko’nglim emish yarim, Rangim za’faron Nenidir izlar emish Ko’zlarim. Sohta tuyularmish butun manzara Va kimdir yashirin Meni qilar emish Masxara. Hiringlarmish qandaydir bir sir Ko’zlarimning ichiga boqib. Men sekin payqabman Bu ko’rganlarim- Muzlatib qo’yilgan Qalbaki tasvir… Men sekin farqlabman Bu tongning Chiqajak Quyoshi Yo’qligin… Tush ko’ribman… Men tushlarimda Quyoshni Ahtarib Yuribman… Sevgim haqida so'raOlis yulduzlarga zimdan nazar sol So'ngsiz kechalarning hazin bag'rida, Oyning shu'lalarin hovuchingga ol Va ulardan so'ra sevgim haqida. Namli kipriklarim ustiga qo'ngan Kamalakning rangin sochlarin tara, Shabnam bo'lib qonli ko'z yoshim tomgan Chamanlardan sevgim haqida so'ra. Ma'yus ko'zlarimning qaroqlarida Majnun muhabbatning tug'yonini ko'r, Sermavj dengizlarning qirg'oqlarida To'lqinlardan sevgim to'g'risida so'r. Vasling firoqida jon berar bo'lsam Sovuq lablarimga lablaringni sur, Hayotga qaytarman sen uchun bir dam O'limdan sevgimning qudratini so'r. Yolg'izlikSovuq. Vujudimda kuchli bir titroq Qorong’u kechada yuribman kezib, O’tkinchilar loqayd, ko’chalar sassiz Faqat yomg’ir yog’ar yurakni ezib. Begona bir shahar, begona hayot Yolg’izlik miyamni olmoqda so’rib, Ruhsizlik buluti suzar tanamda Achchiq yosh ko’zimga qoladi to’lib. Zulmatning tim qora po’lat zanjiri Chirmashib boradi oyoqlarimga, Sukunatning nohush, og’r bosimi Qo’rg’oshindek oqar quloqlarimga. O’z yog’ingga o’zing qovurilasan Dunyoning sen bilan zarra ishi yoq, Birovdan gar ko’rsang jindek yahshilik Olamda sendanda bahtli kishi yo’q. Hayolingdan o’tar jonajon yurting Qo’msaysan so’zlashni ona tilingda, Eslab issiqqina oshiyoningni Sezasan rohatbahsh hisni dilingda. Seryomg’ir shaharning ruhsiz bag’rida Vatan hijronila kunlar o’tadi, Qadrdon uyimning to’rida meni Bir tishlam tishlangan qoq non kutadi. SarobEshiklarni yopgil, tort pardalarni Yumib olgin horg'in ko'zlaringni ham, Ana endi do'stim ko'p narsalarni Hayol qilsang bo'lar erkin, hotirjam. Hoxlaguncha kuyla go'zallik haqda Unutma olamning charog'onligin, Ezgulikka to'la olamni maqta, Yodga ol hayotning farovonligin. Yo'lingga hech kimsa bo'lmagay to'g'on Orzularing uchun qilmaslar so'roq, To'yguncha hayol sur, sevin, kul, quvon Derazadan pastga boqmagil biroq... FojeaNa fojea sahar vaqti samoga Qora bulut galasining to’lishi, Bevaqt kelgan izg’irinning dastidan Navbahorda chamanlarning so’lishi. Oqib turgan tip-tiniq buloqlarning Na fojea loyqalansa ko’zlari, Na fojea alla aytgan onaning Marsiyadek jaranglasa so’zlari. Mayin ma’yus bulbullarning kuyini Qarg’alarning qag’illashi buzadir, Ummon kabi bag’ri ochiq millatning Ma’vosida qora quzg’un suzadir. Uyqulardan sarqigan qaboqlarga Qora parda yana tarang bichilur, Qashqirlarning dabdabali bazmida Yo’qsillarning ko’z yoshlari ichilur. Zulmat ichra surinsa gar haqiqat Tafakkurning aqlin zindon chaynasa- Fojeadir. Fojeadir bulbullar Shom vaqtida tong otdi deb sayrasa. Kulish qiyin ekanKulish mushkul ekan chin dildan yayrab Alamlar hislarni qitiqlab tursa, Kulish mushkul ekan tig'ini qayrab Dardlar qoq yuraging mo'ljallab ursa. Xo'p qiyin jilmayib tashvishdan ortib Hatto bayramlarda do'stlarni qutlash, Azobdir jilmayib, zahringni yutib Kimningdir yarimta ko'nglini butlash. Kulish mushkul ekan ustingdan o'zing Nodon ekanliging aytib oshkora, Quvnoq odamlarga tilayman to'zim Qaniydi kulolsam men ham bir bora. |
